Lukaşenkodan ittiham: NATO-nun bu addımı təxribatdır

Lukaşenko NATO-nun Belarus sərhədləri yaxınlığında keçirdiyi təlimləri təxribat adlandırıb.

Publika.az xəbər verir ki, Belarus prezidenti Aleksandr Lukaşenko Təhlükəsizlik Şurasının iclasında NATO-nun Belarus sərhədləri yaxınlığında təxribat xarakterli təlimləri davam etdirdiyini bildirib:

“NATO ölkələri israrla öz genişlənmə siyasətini təbliğ edir, Belarus ətrafında hərbi mövcudluğunu artırır, sərhədlərimizdə daim təxribat xarakterli təlimlər keçirir”.

Prezidentin sözlərinə görə, onlar öz hərəkətlərini guya Belarus ərazisindən gələn bəzi təhdidlərlə əsaslandırırlar. "Polşa və Baltikyanı ölkələrin rəhbərliyi Belarusu hansısa mifik təcavüzkar niyyətlərdə ittiham edir", - Lukaşenko bildirib. Onun sözlərinə görə, apreldə Varşava Belarusa münasibətdə Avropada Adi Silahlı Qüvvələr haqqında Müqaviləni yerinə yetirməmək qərarı barədə məlumat verib.

“Bu, əslində silahlara nəzarət sahəsində hüquqi cəhətdən məcburi olan sonuncu beynəlxalq aktdır. Bu artıq təhlükəli addımdır. Bütün bunlara necə reaksiya verməliyik?”, - Lukaşenko sual verib .

Mehti Kamiloğlu