İndoneziyanın yeni prezidenti Coko Vidodo and içərək rəsmi şəkildə vəzifəsinin icrasına başlayıb.
Pblika.az xəbər verir ki, inauqurasiya mərasimində ökdəki diplomatik korpusların nümayəndələri, bir çox ölkələrin hökumət və dövlət başçıları, o cümlədən ABŞ-ın dövlət katibi Con Kerri də iştirak edib.
Parlamentin binasında keçirilən mərasimdə İndoneziyanın 10 il əvvəl birbaşa seçki yolu ilə seçilmiş ilk prezidenti Susilo Bambanq Yudohoyono hakimiyyət səlahiyyətlərini öz xələfinə təhvil verib.
Xatırladaq ki, iyulun 9-da İndoneziyada keçirilmiş prezident seçkilərində seçicilərin təqribən 70 milyonu Coko Vidodoya səs verib. Bu ölkənin 230 milyondan çox əhalisi var ki, onun da təxminən 140 milyona yaxını səsvermə hüququna malikdi.
