Blinkenin məktubu Yunanıstanı şoka saldı: ABŞ bu məsələdə Türkiyəni dəstəkləyir

ABŞ Egey dənizində Yunanıstanın hava məkanının sərhədləri məsələsində Türkiyəni dəstəkləyib.

Publika.az xəbər verir ki, bu barədə Yunanıstan mətbuatı məlumat yayıb.

“ABŞ dövlət katibi Antoni Blinken ilk məxfi məktubunu Konqresə göndərərək Türkiyəyə yeni F-16-ların satışını təsdiqləyib və “güc balansını qorumaq üçün” türk F-16-ların Yunanıstan F-35-ləri ilə tədarükü ilə əlaqələndirib. Bir qrup ABŞ senatoru Blinkendən Türkiyənin Yunanıstana qarşı F-16-dan istifadə etməmək öhdəliyini açıq və birmənalı şəkildə ifadə etmək üçün ikinci məktub tələb edib”, - məqalədə deyilir.

Qeyd olunur ki, Blinken Konqresə Türkiyəyə “Yunanıstanın adalar üzərindəki suverenliyinə meydan oxumağa” imkan verən ikinci məktub göndərib.

“Xüsusilə, ikinci məktubda Blinken yazır: “Əgər NATO müttəfiqi digər müttəfiqinin beynəlxalq səviyyədə tanınmış sərhədləri daxilində təkrar pozuntulara yol verərsə, Birləşmiş Ştatlar vəziyyəti diplomatik yolla həll etməyə çalışacaq. Vəziyyəti normal diplomatik kanallarla həll etmək mümkün olmasa, ABŞ buna nail olmaq üçün əlavə siyasi və iqtisadi vasitələrdən istifadə edəcək”, - məqalədə qeyd edilir.

Məqalə müəllifləri hesab edirlər ki, “NATO müttəfiqləri, bu halda Yunanıstan və Türkiyə arasında “beynəlxalq tanınmış sərhədlər” mürəkkəb terminindən istifadə etməklə Egey dənizində 10 millik hava məkanı üzərində Yunanıstanın suverenliyinə qarşı çıxır.

Yunanıstan yunan adaları ətrafında 10 millik hava zonası yaradıb. Ankara hesab edir ki, hava məkanı Yunanıstanın ərazi suları kimi 6 dəniz mili ilə məhdudlaşır. Yunanıstanın hava məkanının pozulması halları ilə bağlı ittihamları əslində Türkiyənin tanımadığı 6-10-cu dəniz milləri arasındakı bölgədə baş verir.

Tural