Dünya

Sığınacaqdan çıxan Berbok "Putinə təzyiq etmək lazımdır" dedi

26 Fevral 2024 11:16

Almaniyanın xarici işlər naziri Annalena Berbok Odessaya səfəri zamanı Ukraynadakı münaqişə ilə bağlı Rusiya prezidenti Vladimir Putinə təzyiq göstərməyi tələb edib.

Publika.az xəbər verir ki, almaniyalı nazir bu barədə ZDF telekanalına müsahibəsində bildirib.

“Putin hazırda sülh istəmir. Və o, bu münaqişəni dayandırana qədər biz Ukraynaya hərbi dəstək verməyə davam etməliyik”, - diplomat bildirib.

Onun sözlərinə görə, həmçinin Çin, İran və Şimali Koreyaya beynəlxalq səviyyədə maksimum təzyiq göstərmək lazımdır.

Bundan əvvəl Almaniya Xarici İşlər Nazirliyinin rəhbəri Kiyevə humanitar yardım kimi daha 100 milyon avro ayrıldığını açıqlayıb. Qeyd olunur ki, iki il ərzində Almaniyanın Ukraynaya göstərdiyi və planlaşdırdığı yardımın ümumi həcmi 32 milyard avro təşkil edib.

Qeyd edək ki, Barbok Odessa səfəri zamanı hava həyəcan siqnalı verildiyi üçün sığınacaqda gizlənməli olmuşdu.

Cəmilə