Putinin "qardaşı"nın bu ölkəyə girişi qadağan edildi - FOTOLAR

2016-cı ildə Rusiya vətəndaşlığı alan amerikalı aktyor Stiven Siqal illər sonra bu ölkənin təbliğat filmində çəkilib. Putinin yaxın dostu olan aktyorun aldığı kilolar və qeyri-adi görünüşü Qərb mediasının gündəminə çevrilib.

Publika.az xəbər verir ki, 1990-cı illərdə döyüş filmləri ilə tanınan amerikalı aktyor Stiven Siqal yeni çıxan Rusiya təbliğat filmində çəkilib.

Rusiya prezidenti Putinə açıq dəstək verdiyi üçün Hollivuddan uzaqlaşan 72 yaşlı aktyorun "Ədalət naminə" filmindəki görüntüləri bu gün Qərb mətbuatında diqqət çəkib.

Filmdə Siqal müharibənin getdiyi Ukraynaya səfər edir və izah edir ki, ukraynalılar özləri bu müharibəni istəyiblər.

Britaniyanın “Dailymail” qəzetində yer alan məlumata görə, məşhur aktyor azı 20 kilo kökəlib, tanınmaz hala düşüb.

Siqal "qardaşım" və "dünyanın ən böyük liderlərindən biri" adlandırdığı Rusiya prezidenti Vladimir Putinlə yaxın dostdur. 2016-cı ildə Putin ona Rusiya vətəndaşlığı verib. Siqalı beynəlxalq mədəniyyətin və humanitar əməkdaşlığın inkişafına verdiyi mühüm töhfələrə görə “Dostluq” ordeni ilə təltif edib.

Siqal əvvəllər Rusiyanın təbliğat filmlərində çəkilib, hətta 2020-ci ildə çəkilən klipdə ukraynalıları “nasist” adlandırıb. Ukrayna bundan sonra Siqalı “milli təhlükəsizliyə təhdid” hesab edib və ölkəyə girişini qadağan edib.

Aysel Şahmar