"Nuhun gəmisi"nin yeri bəlli oldu - Dünyanın ən qədim xəritəsi deşifrə edildi

Britaniya Muzeyində aparılan araşdırmalar təxminən 3 min il əvvələ aid Babil xəritəsində Nuhun gəmisi ilə bağlı maraqlı detallar aşkar edib. “İmaqo Mundi” adlı gil lövhə qədim mifologiyanın və tarixi hadisələrin necə dəyişdirildiyini göstərir.

Publika.az xəbər verir ki, elm adamları təxminən 3 min il əvvələ aid gil lövhə üzərindəki dünyanın ən qədim xəritəsini deşifrə ediblər.

Nəticədə Nuhun gəmisinin də xəritədə yer aldığı məlum olub. Bu lövhə “İmaqo Mundi" kimi tanınan Babil dövrünə aid artefaktdır, içərisində dünyanın yaradılmasını təsvir edən dairəvi diaqram var.

"İmaqo Mundi" astronomiya və gələcəkdən proqnozlar ehtiva edir

Bu lövhə 1882-ci ildə müasir İraqda kəşf edilib. Mixi yazı ilə yazılmış bu qədim mətn, yalnız babillilər tərəfindən istifadə edilmişdir və o dövrdə məlum olan bütün dünyanı əhatə edən bir xəritədir. Bunlarla yanaşı, xəritə astronomik hadisələr və gələcək haqqında proqnozlar da təqdim edir.

Lövhənin arxa hissəsində səyahətçinin səyahəti zamanı nə ilə qarşılaşacağını təsvir edən təlimatlar var. Bu təlimatların birində deyilir ki, “parsiktu” qədər qalın bir şey görmək üçün yeddi fərsəx yol getmək lazımdır. "Parsiktu" termini Böyük Daşqından sağ çıxmaq üçün lazım olan qayığın ölçüsünü təsvir edir.

“Nuhun Gəmisi”ndən işarələr

Xəritənin aşağı ortasında dünyanı əhatə etdiyinə inanılan “Ağrı çayı”nı təmsil edən dairə ilə əhatə olunmuş Mesopotamiya var. Hekayənin Babil versiyasında deyilir ki, Tanrı Ea (Enki) bütün bəşəriyyəti məhv edən daşqın göndərib, Utnapiştim və ailəsi Allahın əmri ilə gəmi düzəldib onu heyvanlarla doldurublar.

Britaniya Muzeyinin kuratoru İrvinq Finkel bildirib ki, bu hekayədə təfərrüatlar var: “Allah deyir: Sən bunu etməlisən və Nuh “Mən bunu etdim!” deyə cavab verir”.

Gəminin ölçüsü məlum oldu

İncildə gəminin bütün cansız varlıqları və dünyanı öz ağuşuna alan 150 günlük sel fəlakətindən sonra Türkiyənin Ağrı dağında yerləşdiyi bildirilir. Ağrı zirvəsinin Nuhun gəmisinin forma və ölçülərinə uyğun gəldiyi qeyd olunur.

Bu o deməkdir ki, gəminin uzunluğu təxminən 155, eni 26 və hündürlüyü 16 metrdir. Gəminin Ağrı dağında sahilə çıxması iddiası elm aləmində hələ də müzakirə olunur. Bəzi elm adamları bu formasiyanın təbiətdə meydana gəldiyini, bəziləri isə onun ali bir gücdən qaynaqlandığını iddia edir.

Tarixi hadisə sayılsa da, əksər elm adamları və arxeoloqlar Nuhun gəmisi hekayəsinin hərfi şərhinə inanmadıqlarını bildirirlər. Bu vəziyyət qədim mətnlərin və mifoloji elementlərin tarix boyu necə şərh edildiyi ilə bağlı müzakirələrə səbəb olur.