UEFA Yamalın "Qızıl top" mərasiminə gəlişini bu Azərbaycan mahınısı ilə paylaşdı - VİDEO

Ötən gün "Qızıl top"un təqdimetmə mərasimi keçirilib.

Publika.az xəbər verir ki, qala gecədə futbol dünyasının nüfuzlu simaları iştirak edib. Bu ildən ali mükafatı dəstəkləyənlər arasında UEFA-nın da olması marağa səbəbə olub.

Qitənin ali futbol qurumu sosial şəbəkə hesablarında turnirlə bağlı geniş auditoriyanı əhatə edən paylaşımlar edib. Belə postlardan biri Azərbaycanda da gündəm olub.

Söhbət UEFA Çempionlar Liqasının rəsmi səhifəsində edilən paylaşımdan gedir. "Barselona"nın gənc ulduzu Lamin Yamalın sözügedən mərasimə qırmızı xalça üzərindən gəlişini təqdim edən səhifə fonda azərbaycanlı bəstəkar Andrey Babayevin müəllifi olduğu "Ləpələr" mahnısından istifadə edib.

Mahnının sözləri İslam Səfərliyə məxsusdur. Qeyd edək ki, bu mahnını görkəmli tarzən Ramiz Quliyev tarda solo ifa edib.

ÇL-in bütün sosial şəbəkələrdəki rəsmi səhifələrində edilən bu paylaşım böyük marağa səbəb olub.

Heybət

View this post on Instagram

A post shared by UEFA Champions League (@championsleague)