Dünya

ABŞ Suriyadakı İŞİD hədəflərini vurdu

9 Dekabr 2024 11:56

ABŞ ordusu Suriyanın mərkəzi bölgələrində İŞİD hədəflərinə çoxsaylı zərbələr endirib.

Publika.az xəbər verir ki, bu barədə ABŞ Mərkəzi Komandanlığı məlumat yayıb.

Hücumların Suriyadakı vəziyyətdən istifadə edərək İŞİD-in ölkənin mərkəzində yenidən qurulmasının qarşısını almaq və məğlub etmək missiyasının bir hissəsi olaraq həyata keçirildiyi vurğulanıb.

“Əməliyyat zamanı B-52, F-15 və A-10-lar da daxil olmaqla, ABŞ Hərbi Hava Qüvvələrinin çoxsaylı aktivlərindən istifadə etməklə 75-dən çox hədəf vurulub”, - deyə məlumatda bildirilib.

Açıqlamada mülki itkilərin olmadığı qeyd edilib:

"Suriyadakı bu dinamik dövrdə belə İŞİD-in imkanlarını azaltmaq üçün əməliyyatlarımız davam edəcək. Suriyadakı bütün təşkilatlar bilməlidir ki, İŞİD ilə ortaqlıq qursalar və ya hər hansı bir şəkildə dəstəkləsələr, bizə hesab verəcəklər”.

Roza