694 milyon ton ehtiyat Qərbin diqqətini çəkdi: Türkiyə strateji plana daxil etdi

Türkiyənin 2022-ci ildə Əskişəhərdə aşkar edilən 694 milyon ton böyük nadir torpaq elementi (REE) ehtiyatı Qərbin diqqətini çəkib. Türkiyə bu ehtiyatı 2024-2028-ci illər Strateji Planına daxil edib.

Publika.az xəbər verir ki, bu gün “strateji minerallar” adlandırılan nadir torpaq elementləri və ya minerallar (REE) Türkiyənin gələcəyini formalaşdıracaq. Dünyanın ən böyük nadir torpaq yataqları Çindədir. Çin bu sənayedə böyük rol oynayır. Dördüncü ən böyük ehtiyat isə Rusiyadadır.

Türkiyə isə REE sahəsində ən son ehtiyatları ilə xüsusilə Qərb ölkələrinin diqqətini çəkib. Enerji və Təbii Sərvətlər Nazirliyi 2022-ci ildə Əskişəhər Bəylikovada 694 milyon ton nadir torpaq elementi ehtiyatı aşkar edib. Bildirilir ki, bu, Çinin 800 milyon ton ehtiyatından sonra dünyada ikinci ən böyük ehtiyatdır. Yeni kəşf edilən ehtiyatlar da Türkiyənin strateji əhəmiyyətini artırır. Bildirilib ki, birinci mərhələdə pilot zavodda ildə 1200 ton filiz emal olunacaq.

Aysel Şahmar