Suriya lideri ilə PKK arasında görüş iddiası - Nələr müzakirə olunub?
Bizi izləyin
Aptekonline

Dünya

Suriya lideri ilə PKK arasında görüş iddiası - Nələr müzakirə olunub?

Heyət Təhrir əş-Şamın (HTŞ) rəhbərlik etdiyi qruplaşmalar Suriyada Bəşər Əsəd administrasiyasını devirdikdən sonra Dəməşqdə daxildən və xaricdən müxtəlif nümayəndə heyətləri ilə görüşlər keçirilir.

Publika.az xəbər verir ki, ölkənin faktiki lideri Əhməd əl-Şaranın bazar ertəsi Suriyada Suriya Demokratik Qüvvələri (SDQ) adından istifadə edən terror təşkilatı PKK/YPG nümayəndələri ilə ilk dəfə görüşdüyü iddia edilib.

Fransız Xəbər Agentliyinə (AFP) danışan adı açıqlanmayan suriyalı rəsmi, Əl-Şaranın PKK/ YPG nümayəndələri ilə müsbət görüşlər keçirdiyini bildirib. Digər tərəfdən, Suriya rəsmiləri bunun gələcək dialoq üçün ilkin görüş olduğunu və hər iki tərəfin bu görüşləri davam etdirməyə razılaşdığını bildiriblər.

Əhməd Əl-Şara həftə sonu Əl Ərəbiyyə televiziyasına verdiyi açıqlamada Suriyadakı PKK/YPG-nin də yeni orduya inteqrasiyası lazım olduğunu deyib.

Aysel Şahmar

Oxumağa davam et
Reklam
Reklam

Gündəm

Aptekonline