Əsədin nüvə mərkəzi aşkarlandı
Bizi izləyin

Dünya

Əsədin nüvə mərkəzi aşkarlandı

Suriyada Bəşər Əsəd rejimi Livan sərhədinə yaxın gizli bir ərazidə nüvə mərkəzi qurub.

Publika.az-ın verdiyi xəbərə görə, bu barədə Almaniyanın “Der Spiegel” jurnalı yazıb.

Jurnalın mövzu ilə bağlı xəbərində atom bombası istehsal olunduğu iddia edilən mərkəzin peykdən çəkilən fotoşəkilini dərc edib. Sözügedən gizli ərazi isə Livan sərhədindəki Əl-Kuseyr şəhəri yaxınlığındakı dağlıq bir sahədir. Alman nəşri nüvə mərkəzinin Şimali Koreya və İranın nüvə texnologiyası mütəxəssislərinin də tanış olduğu “Zəmzəm” layihəsinə aid olduğunu iddia edib.

Qeyd edək ki, Suriya İran və Pakistandan fərqli olaraq nüvə silahının yayılmasının qarşısının alınmasını nəzərdə tutan razılaşmanı imzalayıb və nüvə texnologiyalarından istifadə edərək nüvə silahı istehsal etməyəcəyini barədə öhdəlik götürüb.

Alman jurnalı həmçinin 5 sentyabr 2007-ci ildə İsrail təyyarələrinin Suriyanın şimal-şərqindəki Əl-Kibar nüvə obyektini bombaladığını xatırladıb. “Der Spiegel” qeyd edib ki, obyektdəki nüvə mərkəzində atom bombasının istehsal edilməsi nəzərdə tutulduğu iddia olunurdu.

Ömər Dağlı

Oxumağa davam et
Reklam
Reklam

Gündəm