İsrail təlaşda: Bu tələdir, amma başqa seçim yoxdur

İsrail baş naziri Binyamin Netanyahunun ABŞ prezidenti Donald Trampın dəvəti ilə Qəzza ilə bağlı "Sülh Şurası"nda iştirak edəcəyini açıqlaması Təl-Əvivdə müzakirələrə səbəb olub.

Publika.az xəbər verir ki, İsrailin "Kanal 12" telekanalı bu qərarın pərdəarxası məqamları barədə məqalə dərc edib.

Bildirilib ki, ondan çox ölkə "Sülh Şurası"nda iştirakı qəbul etdikdən sonra Netanyahunun Qətər və Türkiyə ilə eyni masada otura biləcəyi bir strukturdan kənarda qalması artıq mümkün deyil. İddiaya görə, bu vəziyyət İsrail baş nazirini diplomatik olaraq küncə sıxıb.

"Tramp demək olar ki, bütün dünya liderlərini layihəyə dəvət edib. Lakin Avropada artan şübhələr hökm sürür. Belə ki, Trampın məqsədi yalnız Qəzza üçün həll yolu deyil, həm də Birləşmiş Millətlər Təşkilatını (BMT) əvəz edə biləcək yeni bir qlobal struktur yaratmaqdır. İsrailin Trampın planının əsas prinsiplərini qəbul etdikdən sonra plana nəzarət edəcək əsas qurumdan uzaq durması siyasi cəhətdən qeyri-mümkün hala gəldi. Bu, Qəzzada açıq şəkildə rədd edə bilməyəcəyimiz diplomatik tənlikdir", - məqalədə qeyd olunub.

Məqalədə İsrailin şuraya daimi üzvlük üçün 1 milyard dollarlıq investisiya tələbindən azad oluna biləcəyi də iddia edilib.

Roza