Dünya

İŞİD-in Hindistanda tualet xəbərdarlığı: Terror olacaq - FOTO

16 Yanvar 2015 17:32

Hindistanın Mumbay şəhərinin Çatrapati Şivadji adına aeroportun kişi tualetində terror hücumu təhlükəsi ilə bağlı yazılar və şəkil aşkarlanıb.

Publika.az-ın xarici mediaya istinadən verdiyi məlumata görə, yazılar və şəkil “İslam Dövlət”inin abreviaturası olan İŞİD sözündən, Hindistanda Respublika Gününün keçirildiyi tarixdən (26 yanvar) və təyyarədən ibarətdir.

Aeroportun işçiləri həmçinin başqa bir tualetdə İŞİD hücumunun təhlükəsini göstərən ikinci yazını tapıblar. Ancaq onun məzmunu açıqlanmayıb.

Aeroportunun təhlükəsizlik xidmətindən bildiriblər ki, təhlükəni ciddi qəbul edirlər. Polis aeroportda yüksək hazırlıq vəziyyətinə gətirilib. Qeyd edək ki, yanvarın 6-da da aeroportun kişi tualetində İŞİD-in terror aktı təşkil etməyə hazırlaşdığı barədə xəbərdarlıq tapılmışdı.

Ömər Dağlı