Dünya
Qorbaçovu Rusiyada “xarici agent” elan etdilər
Rusiya Federasiyasının İctimai Palatasının üzvü Georgi Fyodorov SSRİ-nin sabiq prezidenti Mixail Qorbaçovun rəhbəri olduğu “Qorbaçov Fondu”nun “xarici agentlər” haqqında qanunla yoxlanılması xahişi ilə Ədliyyə Nazirliyinə sorğu göndərib.
Publika.az “Russkaya Planeta” nəşrinə istinadən xəbər verir ki, Fyodorov “Qorbaçov Fondu”nun ABŞ-ın San-Fransisko şəhərində qərargahı olan beynəlxalq qeyri-hökumət təşkilatı olduğunu iddia edib.
Fyodorov həmçinin vurğulayıb ki, Qorbaçov Sovet İttifaqının dağılmasına görə məsuliyyət daşıyır. “Fikrimcə, fond tamamilə xarici agentlərin statusuna malik olan təşkilatlar haqqında qanunvericiliyin tələbləri altına düşür. Ancaq müvafiq reyestrdə fondun adı yoxdur”, - o bildirib.
Ancaq “Qorbaçov Fondu”nun mətbuat xidmətinin rəhbəri Pavel Palajçenko Georgi Fyodorov tərəfindən səsləndirilən iddiaları rədd edib: “Fond San-Fransiskoda qərargaha malik deyil və xaricdən maliyyə vəsaiti almır. Fond Rusiya qanunvericiliyinə hörmət edir”.
"Qorbaçov Fondu” 1991-ci ilin dekabrında SSRİ prezidenti Mixail Qorbaçov tərəfindən yaradılıb və 1992-ci ildə fəaliyyətə başlayıb. Fond yenidənqurmanın tarixinin tədqiqatları, Rusiya və dünya üçün aktual məsələlərlə məşğul olur. Rəsmi məlumatlara görə, fond qrantlar, həmçinin vətəndaşlar, şirkətlər və müxtəlif təşkilatların ianələri hesabına maliyyələşdirilir.
May ayının sonunda “Qorbaçov Fondu” Vətəndaş Təşəbbüsləri Komitəsi ilə birgə hazırladığı “1985-2015: müasir Rusiyanın kontekstində yenidənqurmanın dəyərləri” adlı məruzəni açıqlayıb. Rusiya cəmiyyətində yeni yenidənqurmaya çağırışın yer aldığı məruzədə Rusiyanın hazırkı rəhbərliyinin idarəetmə metodları tənqid olunub.
Ömər Dağlı
-
Magazin109:00
Aygün Kazımovanın qızının yeni görüntüləri yayıldı - FOTO
-
Magazin207:30
İllərlə GİZLƏDİLƏN GÖZƏL: bu dəfə rus dizaynerin xəz paltarında parladı - FOTO/VİDEO
-
Səhiyyə06:16
Uşaqlarda qan xərçəngi üçün yeni risk faktoru aşkarlandı
-
MDB05:45
Rusiyada MÖCÜZƏ BAŞ VERDİ: 13-cü mərtəbədən yıxılan qız sağ qaldı
-
İnanc04:44
Qüdsdə Müqəddəs Od: Möcüzəni görmək üçün izdiham yaşandı - FOTO/VİDEO
-
Magazin101:41
Namiq Qaraçuxurlu: “Ayrılığı çətin keçirirəm”
-
İdman01:11
Ronaldo het-trik etdi - VİDEO
-
Magazin100:15
Elzanın oğlu əsəbiləşib məclisi tərk etdi - FOTO