Ötən gün baş verən zəlzələdən sonra əhaliyə xəbərdarlıq edildi

Xəbər verdiyimiz kimi, ötən gün Türkiyənin Çanaqqala vilayətində 4.7 maqnitudalı zəlzələ olub. Bu barədə Təbii Fəlakətlərin İdarə Olunması İdarəsi (AFAD) məlumat yayıb. Məlumata görə, zəlzələnin episentri 10.23 kilometr dərinlikdə qeydə alınıb. Təbii fəlakətin fəsadları barədə məlumat verilməyib.

Publika.az xəbər verir ki, zəlzələdən sonra seysmoloq Ahmet Ercan və Naci Görür açıqlamalar veriblər.

Seysmoloqlar xəbərdarlıq ediblər ki, ölkə səlahiyyətliləri müəyyən addımlar atmalıdırlar:

“Ölkənin demək olar ki, hər bir tikilisində problem var. İstənilən bölgədə hər an güclü zəlzələ baş verə və minlərlə insan həlak ola bilər. Bu, çox ciddi bir ehtimaldır. Buna görə də, zəlzələnin nə vaxt, harada olacağını siz yox, qoyun, alimlər düşünsün.

Siz əsas infrastruktura baxın. Şəhəri və bütün ölkəni zəlzələyə necə davamlı edə biləcəyinizi düşünün. Belə zəlzələlər zəlzələyə davamlı ölkələrdə baş verəndə, bir neçə insan təsadüfən ölür. Bizdə isə on minlərlə insan ölür. Bu bizə yaraşmır, ölkəmizi zəlzələyə davamlı etməliyik”, - deyə mütəxəssislər əlavə ediblər.

Aysel Şahmar