Nərə balığı bu çaya qayıtdı: Bir əsrdən sonra

19-cu əsrin sonlarından bəri görünməyən balıq növü öz yaşayış yerinə qayıdıb.

Publika.az xəbər verir ki, "Nature World News"in məlumatına görə, Atlantik nərə balıqları çirklənmə və həddindən artıq balıq ovu səbəbindən İsveçin Göta Alv çayında yaşayış yerlərindən yoxa çıxıblar. İsveç Balıqçılıq Assosiasiyasının, Göteborqdakı Təbiət Tarixi Muzeyinin və bir neçə universitetin səyləri sayəsində balıqlar hazırda yenidən çayda üzür.

Nərə balıqlarının çöküntü ilə qidalandığı üçün çayın ekologiyasına faydalı olacağı gözlənilir. Bundan əlavə, balıq alt çöküntüləri oksigenlə doyurur, bu da suda yaşayan bütün kiçik növlərə kömək edir.

Atlantik nərə balığı köçəri növdür, Avrasiyada nərə balığı ailəsinin ən iri balıq növüdür. Onlar formalaşma illərini şirin suda keçirir və çoxalırlar.

Su şəraitinin yaxşılaşdırılması balıqların qayıtmasına kömək edə bilər. Avropa Balıqçılıq İttifaqının məlumatına görə, Atlantik nərə balığının “mədəni və tarixi dəyəri” var və Göta Alv çayında 15-ci əsrə aid arxeoloji tapıntılar aşkar edilib. Növün yenidən introduksiyası "su yolunun itirilmiş şəxsiyyətini bərpa edəcək".

Cəmilə