Neftlə bağlı xəbərdarlıq: Cəmi bir neçə gün ərzində bu qiymətə ola bilər

Hörmüz boğazındakı gərginlik səbəbindən neftin qiyməti 100 dollara qədər yüksələ bilər.

Publika.az xəbər verir ki, “Alfa-Forex” şirkətinin baş direktoru Quzel Protsenko bunu qiymət artımının mümkün səbəbi kimi göstərib .

Fars körfəzində yenidən başlayan döyüşlər fonunda qlobal neft qiymətləri artmaqda davam edir. İyulun 20-si gecəsi “Brent” markalı neftin qiyməti 90 dollar həddini keçib və təxminən 3 faiz artaraq 40 günlük ən yüksək həddə - 90,84 dollara çatıb.

İqtisadçının sözlərinə görə, qiymət artımı bazar iştirakçıları arasında Cənub-Şərqi Asiya və Qərbi Avropadakı əsas istehlakçılara enerji təchizatı ilə bağlı spekulyativ fərziyyələri və qeyri-müəyyənliyi əks etdirir.

"Bu gün treyderlərin və əsas bazar iştirakçılarının ötən həftə görməzdən gəldikləri riskləri adekvat qiymətləndirməyə başlamaları vacibdir. ABŞ və İran arasındakı münaqişə artıq lokallaşdırılmayıb. Bu fonda neft qiymətlərinin 30 faiz artması tamamilə məntiqli görünür", - deyə o bildirib.

Geosiyasi üstünlük bazarlara neftin fiziki axınının azalması fonunda artır. Münaqişə daha da şiddətləndikcə, Yaxın Şərqdəki bu vacib nəqliyyat arteriyasından keçidin fiziki olaraq məhdudlaşdırılması mümkündür. Protsenkonun fikrincə, münaqişə tərəfləri ehtiyat tədbirlərindən sistemli blokadalara keçərsə, neftin qiyməti bir neçə gün ərzində barel üçün 100 dollara qədər yüksələ bilər.

Müəllif: Tural