• USD 1,7000 0,00% EUR 2,0531 -0,63%
    • GBP 2,3751 +0,01% RUB 0,0229 0,00%

Xaçmazda dəhşət: Sevdiyi qızın anasına tamah saldı

  • Hadisə
  • 27 Oktyabr 2017 00:38
  • 1 484 Baxış
Xaçmazda dəhşət: Sevdiyi qızın anasına tamah saldı

Sevdiyi qızın anasını öldürməkdə təqsirli bilinən Xaçmaz rayon sakini, 1989-cu il təvəllüdlü Samir Hacıəliyevin cinayət işi üzrə məhkəmə prosesi keçirilib.

Publika.az xəbər verir ki, Bakı Ağır Cinayətlər Məhkəməsində hakim Eldar İsmayılovun sədrliyi ilə baş tutan prosesdə prokuror ittiham nitqi ilə çıxış edib.

Prokuror Samir Hacıəliyevin 10 il 6 ay müddətinə azadlıqdan məhrum edilməsini təklif edib.

Proses noyabrın 2-də davam edəcək.

İttihama görə, Samir Hacıəliyev bu il martın 27-də Xaçmaz rayonu, Şimali kəndində 47 yaşlı Gülnaz Sultanovanı baltalayaraq öldürüb. Onun Gülnaz Sultanovanın qızı ilə sevgi münasibətləri olub.

Samir 2014-cü ildən Gülnaz Sultanovanın evinə gedib-gəlməyə başlayıb. Bir müddət sonra o, sevdiyi qızın anası ilə cinsi əlaqədə olmağa başlayıb.

Hadisə baş verən günü Samir Hacıəliyevlə Gülnaz Sultanovanın arasında mübahisə yaranıb. Mübahisə zamanı Gülnaz Sultanova onu söyərək təhqir edib. Bu isə qanlı cinayət hadisəsi ilə nəticələnib. Cinayəti törədən Samir Hacıəliyev Xaçmaz rayon polis şöbəsinə gələrək təslim olub.

Samir Hacıəliyev Cinayət Məcəlləsinin 120.1-ci (qəsdən adam öldürmə) maddəsi ilə ittiham edilir.

Məhkəmənin baxış iclasında qətlə yetirilən qadının qızı Reyhan Feyzullayeva dindirilib. O, dörd il ərzində anası ilə Samir Hacıəliyevin münasibətləri olduğunu deyib: “Məni sevə-sevə anamla da münasibət saxlayırdı. Buna görə xəcalət çəkirəm. Maraqlandım, mənə dedilər ki, onların münasibəti var, guya sən bilmirsən? Həm anamla, həm də Samirlə danışdım. Samir and içdi ki, anamla münasibəti yoxdur, amma inanmadım”.

Hacı Zeynalov

Halal Nemət

Xəbər lenti

DAHA ÇOX XƏBƏR