Məşqdən əvvəl bu qidaları yeməyin inanılmaz faydası

Məşqdən əvvəl karbohidratlı qəlyanaltılar və içkilər istehlak etmək yorğunluğun qarşısını almağa və uzun seanslar üçün əzələlərinizdə daha çox glikogen saxlamağa kömək edə bilər.

Publika.az xəbər verir ki, bu barədə Britaniya Kolumbiyası Universitetindən sertifikatlı şəxsi məşqçi və kinesioloq Teylor Tomas məlumat verib.

Tomasın sözlərinə görə, məşqdən bir-iki saat əvvəl insan hər kiloqram bədən çəkisi üçün bir-iki qram karbohidrat istehlak etməlidir. Fakt budur ki, karbohidratlar glikogen istehsal edir, enerjinin çox hissəsi uzun müddət fiziki fəaliyyət zamanı ondan gəlir. Glikogen heyvanların və insanların əzələlərində saxlanılan ehtiyat polisaxariddir (mürəkkəb karbohidrat - red.). Enerji mübadiləsinin təcili ehtiyacları və qanda lazımi qlükoza səviyyəsini saxlamaq üçün asanlıqla səfərbər olunur.

Karbohidratlı içkilərin daha uzunmüddətli əzələ performansı təmin etdiyi vurğulanıb. Bunu ABŞ alimləri tərəfindən aparılan və "Journal of Applied Physiology" jurnalında dərc edilən araşdırma göstərib.

Cəmilə