Hadisə

Azərbaycanlı İtaliyada polisi döydü

21 Dekabr 2017 20:39

İtaliyada azərbaycanlı və onun iki dostu polis əməkdaşlarına hücum ediblər.

Publika.az xəbər verir ki, üç sərxoş kişi polislərə müqavimət göstəriblər və onlara xəsarətlər yetiriblər. Hadisənin iştirakçılarından biri Ferrara şəhərində yaşayan, adı polisin məlumatında S.E. kimi göztərilmiş 42 yaşlı azərbaycanlıdır. Hücum edənlərdən digər iki nəfər isə 35 və 37 yaşlı moldovalılardır.

Polis əməkdaşları ilə əcnəbilər arasında münaqişə əraziyə nəzarət vaxtı baş verib. Asayiş pozucularının saxlanılmasından sonra məlum olub ki, azərbaycanlı şəxs hələ 2012-ci ildə immiqrasiya ilə bağlı hüquq pozuntusuna yol verib – saxta sənədlər təqdim edib.

Bununla əlaqədar olaraq, Ferrara şəhərinin məhkəməsi S.E.-ni 8 ay müddətinə azadlıqdan məhrum edib. Münaqişənin digər iki iştirakçısı üv dustaqlığına məhkum olunublar. (Virtualaz.org)