İdman
Qədrini bilmədik, Qazaxıstan üçün dünya çempionu oldu
ABŞ-ın Hyuston şəhərində keçirilən ağır atletika üzrə dünya çempionatı davam edir.
Publika.az xəbər verir ki, 82-ci mundialın 4-cü günündə çəkisi 63 kq olan qadın və 77 kq çəkili kişi ağırlıqqaldıranlar mübarizəyə qoşulub.
Yarış zamanı maraqlı hadisə baş verib. Azərbaycanlı ağırlıqqaldıran Nicat Rəhimov Qazaxıstan milli komandasının heyətində dünya çempionu olub. 22 yaşlı atlet birdən qaldırmanı 165, təkanla qaldırmanı isə 207 kq-lıq nəticə ilə başa vurub. Bununla da o, yekunda 372 kiloqramlıq göstəriciyə nail olub.
KXDR təmsilçisi Kvanq Sonq Kimin də toplam nəticəsi eyni olub. Amma şəxsi çəki nisbətinə görə həmyerlimiz daha üstün olub. Belə ki, körpücük üzərinə çıxarkən Nicatın çəkisi 75.88, koreyalınınkı isə 76.76 kq idi.
Xatırladaq ki, Nicat Rəhimov Azərbaycanı təmsil etdiyi vaxtlarda Sinqapurda keçirilən Yeniyetmələrin I yay Olimpiya Oyunlarında ölkəmizə qızıl medal qazandırıb.
Keçmiş baş məşqçi Zlatan Vanev Nicatın yerinə legioner idmançı gətirmək istəyirdi. Bu üzdən Nicat Rəhimovu millidən uzaqlaşdırmağa çalışmış və buna da nail olmuşdu (http://publika.az/p/7987).
Bir sözlə, “mədəni” dildə “sən gəlmə, lazım deyilsən” demişdi. Bundan sonra məşqçi ilə idmançı arasında mübahisə baş vermişdi. Nicat federasiyadan dəstək görməyincə, Qazaxıstanda çıxış etmək təklifini dəyərləndirmişdi.
Qeyd edək ki, Hyustondakı dünya çempionatının əvvəlki yarış günlərində Boyanka Kostova (58 kq) qızıl, Valentin Xristov (62 kq) bürünc medala sahib olub. Onların hər ikisi əslən bolqarıstanlıdır. Firudin Quliyev (69 kq) 5-ci, Silviya Angelova (48 kq) 34-cü yerlə kifayətlənib.
Aygün
-
Magazin100:30
Fahree və İlkinin “Avroviziya”dakı çıxışı - VİDEO
-
Qoroskop00:15
Günün ULDUZ FALI: axşam saatlarında travma təhlükəsi var
-
İdman00:00
"Bayern"in baş məşqçi postuna yeni namizəd BƏLLİ OLDU - FOTO
-
Kriminal7 May 23:48
Bakıda kişi sevgilisinə “mənim olmalısan” deyib QANINI TÖKDÜ
-
İKT7 May 23:24
İki qurum əhaliyə XƏBƏRDARLIQ ETDİ - FOTO
-
Magazin17 May 23:07
“Avroviziya-2024”ün birinci yarımfinalı başladı - CANLI
-
Cənubi Qafqaz7 May 22:52
Ermənistanda əsgər GÜLLƏLƏNDİ
-
Magazin27 May 22:24
İki qızdan biri indi çox məşhurdur - 40 ildən sonra eyni pozada FOTO