İdman

Rio-2016: Hovuzun rəngi idmançıları qorxutdu – FOTO

10 Avqust 2016 13:22

Olimpiya oyunlarının keçirildiyi su arenasında hovuzlardan birinin rəngi idmançıları qorxudub.

Publika.az xəbər verir ki, bir gün əvvəl həmişəki kimi göy rəngdə olan hovuzun suyu yarış zamanı yaşıl olub. Maraqlıdır ki, digər hovuzun suyunun rəngi dəyişməyib.

Təşkilatçıların sözlərinə görə, aparılan testlər idmançılar üçün hər hansı təhlükənin olmadığını göstərir. Bununla bağlı araşdırmanın başlandığını bildirən Təşkilat Komitəsinin mətbuat xidmətinin rəhbəri Mario Andrada suyun rənginin dəyişməsini yosunların artması ilə əlaqələndirib:

“Səbəb küləyin az olması və istidir. Bütün kimyəvi testləri tətbiq etmişik. Əgər hovuz yaşıl və sarı rəngə boyansaydı, bunu vətənpərvərlik aktı adlandıra bilərdik. Ancaq vəziyyət dediyim kimidir”.

Pərviz Hikmət