İdman
Marek Suxi: "İnsan gərək aldığı zərbədən ayağa qalxa bilsin" - - FOTOLAR
DÇ-2018-in seçmə mərhələsində sabah millimizin qonağı olacaq Çexiya yığmasının müdafiəçisi Marek Suxi oyunöncəsi mətbuat konfransında iştirak edib.
Publika.az xəbər verir ki, "Bazel"in müdafiəçisi jurnalistlərin suallarını cavablandırıb:
- Sabah millimizin kapitanı Rəşad Sadıqovun vida matçıdır. Oyunçularımız görüşə əlavə motivasiya ilə çıxacaq. Bu, sizi narahat etmir?
- Bu bizim üçün əlavə stimuldur. Rəşadı təbrik edirik. Ona çox hörmət edirik ki, bu səviyyəyə çatıb. Amma bizim də əsas məqsədimiz qalib gəlməkdir.
- Siz Azərbaycan millisi haqda nə bilirsiniz?
- Komandanız haqda yaxşı məlumatımız var. Özümüzü yaxşı tərəfdən göstərmək istəyirik. Rəqibə hörmət edirik. Sabahkı matçda xallarımızın sayını artırmağa çalışacağıq.
- Çexiya mətbuatında tez-tez qeyd edilir ki, ölkənizin Azərbaycanı uda bilməməyi onu DÇ-dən kənarda qoydu. Bakıya qisas hissi ilə gəlmisiniz?
- Düzdü, biz həmin oyunda xal itirdik və mundialdan kənar qaldıq. Amma bizim üçün Çexiya forması geyinmək fəxrdi. Qisas hissi ilə gəlməmişik. Əsas odu ki, xallarımızın sayını artıraq.
- Artıq hər iki komandanın şansı yoxdur. Siz bu matça necə hazırlaşmısız?
- Məqsədimizə çata bilməsək də, hər oyuna maksimum hazırlaşırıq. İnsan gərək aldığı zərbədən ayağa qalxa bilsin.
- Azərbaycanla matçdan çəkinmirsiz?
- Hər oyuna təmiz, aydın başla yanaşırıq. Heç nədən qorxmuruq və belə də matça hazırlaşmışıq.
- Müdafiə xətti haqda nə deyə bilərsiniz?
- Məşq üçün vaxtımız az olub. Buna baxmayaraq, maksimum bütün diqqətimizi müdafiəyə və oyunun təşkilinə yönəldəcəyik.
Foto: Elçin Murad
-
Sosial21:10
“Green card” müraciətlərinin nəticələri AÇIQLANDI - YENİLƏNDİ
-
Magazin120:36
“Toppuş bacı”nın həyat yoldaşı yenidən ailə qurur? - FOTO
-
Art20:00
"Sehirli xalat"ın "Zərifə" və "Eldar"ı 60 il sonra - VİDEO
-
Kriminal19:55
Azərbaycanda həkim güllələnərək öldürüldü - TƏFƏRRÜAT/YENİLƏNDİ
-
Magazin119:12
Orxan Lökbatanlı SÖZ VERDİ: "Rəşad Dağlı azad olunanda..." - VİDEO
-
Elm və təhsil18:50
Misir Mərdanov nazir olanda hansı qohumlarına vəzifə verib? - Özü DANIŞDI / VİDEO
-
Sosial17:45
Restoranlarda "servis haqqı" fırıldağı: bu halda... - VİDEO
-
Sosial17:27
İsa Qəmbər yenidən başqan seçildi