İdman

Millinin keçmiş futbolçusunun adı terrorçu siyahısına salındı - ÜÇÜNCÜ DƏFƏ

1 May 2018 14:32

Misirin millisinin keçmiş futbolçusu Məhəmməd Əbu Tərikənin adı ölkəsində terrorçu siyahısına daxil edilib.

Publika.az xəbər verir ki, siyahıya futbolçu ilə yanaşı, daha 1528 nəfər salınıb.

Rəsmi qəzetdə yayımlanan qərara görə, Qahirə Cəza Məhkəməsi bu şəxsləri 5 il müddətinə qara siyahıya salıb.

Həmin şəxslər rejimi zor gücünə dəyişdimək, silahlı qüvvələr polis və məhkəmə qurumlarına hücum etmək maddəsi ilə günahlandırılır. Terror təşkilatları və onların üzvlərinin mülklərinə embarqo qoymağa icazə verən yeni qanuna görə, terror siyahısına salınanlar qərara etiraz edə bilər.

Ərəb dünyasının ən məşhur futboçularından olan Əbu Tərikənin şəxsi mülkləri 3 il öncə də bəzi terror hadisələrini maliyyələşdirdiyi üçün müsadirə edilmişdi. Yeni qərarla, futbolçu artıq üçüncü dəfə terror siyahısına salınmış oldu.

Misir qanunlarına görə, adı terror siyahısına salınan şəxslər ölkədən çıxa bilməz. Xaricdə olanlar isə ölkəyə daxil ola bilməz.

Zümrüd