İdman

Həbibin döydüyü idmançı ağladı: Hazır idim...

8 Sentyabr 2019 16:42

Amerikalı döyüşçü Dastin Porye rusiyalı idmançı Həbib Nurməhəmmədova məğlubiyyətindən dərhal sonra emosional açıqlama verib.

Axar.az xəbər verir ki, Porye döyüşə yaxşı hazırlaşdığını deyib.

“Mən bilirdim ki, o mənə hücum edəcək. Döyüşə hazırlaşanda, heç bir küncü kəsmədən, hər şeyimi döyüşə verirdim. Mənə elə gəlirdi ki, bütün karyeram yalnız bu döyüş üçündür. Yəqin ki, mən daha çox şey edə bilərdim. Mən həqiqətən hazır idim. İndi hər səhər yuxudan oyanıb, güzgüyə baxıb, bu döyüşün nəticələrini xatırlayacağam”, – deyə o bildirib.

Porye açıqlama verərkən göz yaşlarını saxlaya bilməyib.

Qeyd edək ki, tərəflər arasında UFC titulunu qorumaq uğrunda döyüş şənbə günü Əbu-Dabidə baş tutub. Döyüş Nurməhəmmədovun üçüncü raunddakı boğucu fəndindən dərhal sonra dayandırılıb.