Rusiya hadisədən iki həftə əvvəl... - Qəza ilə bağlı şok faktlar üzə çıxdı

Bakı-Qroznı reysini yerinə yetirən Azərbaycan təyyarəsinin qəzaya uğraması ilə bağlı yeni təfərrüatlar məlum olub. Artıq əminliklə demək olar ki, o, Çeçenistanın Naurski rayonu üzərində eyni yerdə və eyni vaxtda iki PUA-ya atəş açan hava hücumundan müdafiə sistemləri tərəfindən vurulub.

Publika.az xəbər verir ki, bu barədə “VChK-OGPU” teleqram kanalı mənbələrinə istinadən yazıb.

Bildirilib ki, hadisədən iki həftə əvvəl Qroznı hava limanının ərazisində iki “Pantsir-S” quraşdırılıb. Görünür, hakimiyyət nə baş verdiyini dərhal anlayıb, çünki təyyarə vurulandan bir dəqiqə sonra “Xalça” rejimi elan edilib.

“Ttəyyarə dəfələrlə təyinat hava limanına enməyə cəhd edib, lakin naviqasiya sistemlərində tıxac yaranıb. Həmin an PUA hücumu davam etdiyi üçün elektron döyüş sistemləri işləyirdi. Təyyarə Bakıya geri dönərkən Çeçenistan səmasında fövqəladə hadisə baş verdi. Həmin gün səhər respublika səmasında ümumilikdə üç pilotsuz təyyarə vurulub. Biri Visaitovski rayonundan uçdu, digər ikisi daha şimala, düz Naurski rayonu üzərində uçdu. Daha dəqiq desək, Nikolaevskoye qəsəbəsi üzərində. Təyyarə məhz orada vurulub. Qəzadan sonra təyyarənin ekipajı əvvəlcə hadisəni quşların vurması ilə səhv salıb.

Təyyarənin ekipajı ilə dispetçer arasındakı danışıqların stenoqramına görə, “quş toqquşması” saat 08:16-da baş verib. Bütün mülki təyyarələrin təhlükə zonasını tərk etməli olduğu “Xalça” planı fövqəladə vəziyyətdən bir dəqiqə sonra, saat 08:17-də tətbiq edilib. Göründüyü kimi, elektron müharibə və hava hücumundan müdafiənin “uğurlu” istifadəsindən dərhal sonra.

Təyyarə heç bir xəbərdarlıq almayıb. Reqlamentə əsasən, dispetçer mülki tezlikdə “Xalça” haqqında hava gəmisinin ekipajına məlumat verməli idi, lakin danışıqların stenoqramından göründüyü kimi, heç bir xəbərdarlıq edilməyib”, - məlumatda deyilir.

Xatırladaq ki, dekabrın 25-də Bakı-Qroznı istiqamətində uçan AZAL-a məxsus sərnişin təyyarəsi Aktau yaxınlığında qəzaya uğrayıb. Göyərtədə olan 67 sərnişindən 38-i ölüb, 29 nəfər sağ qalıb. İlkin məlumata görə, təyyarə Qroznı üzərində “Pantsir” raketinin hədəfinə tuş gəlib.

Akqabay