İdman

Ziyeşin transferi niyə baş tutmayıb? - Ağlagəlməz səbəb

1 Fevral 2023 14:45

"Çelsi"nin futbolçusu Hakim Ziyeş transfer pəncərəsinin son günündə PSJ-yə keçməyə yaxın idi. Ancaq onun Paris təmsilçisinə transferi son anda reallaşmayıb.

Publika.az xəbər verir ki, buna bir insanın səhlənkarlığı səbəb olub. İki klub transfer məsələsində erkən saatlarda ortaq məxrəcə gəlsə də, mərakeşli vingerin sənədləri göstərilən müddətdən gec göndərildiyi üçün keçid rəsmiləşməyib.

"L'Équipe"nin yazdığına görə, "Çelsi"nin texniki işçiləri 3 dəfə Ziyeşin sənədlərin səhv göndərib. Bu da müqavilənin vaxtında bağlanmaması ilə nəticələnib.

Bu hadisədən sonra klublar arasındakı münasibət pisləşib. PSJ rəhbərliyi səhlənkar davranışa görə "Çelsi"yə qəzəblidir. Bir müddədir komandadan ayrılmaq istəyən futbolçu da transferinin baş tutmamasını aqresiv formada qarşılayıb. London təmsilçisi isə yaşanan hadisəyə hələ rəsmi formada aydınlıq gətirnəyib.

Qeyd edək ki, Fransa klubu Hakim Ziyeşi icarə əsasında heyətinə qatmağı planlaşdırırdı.

Heybət