İdman

“Qarabağ” ın yarımmüdafiəçisi: "Bu, işimizi daha da asanlaşdırdı" - VİDEO

25 Mart 2023 19:44

“Haber Global” “Qarabağ”la Türkiyənin “Qalatasaray” klubu arasında keçiriləcək xeyriyyə oyunu barədə süjet hazırlayıb.

Publika.az xəbər verir ki, kanalın idman direktoru Fatih Demirkol Bakı Olimpiya Stadionundan canlı bağlantıya çıxıb. O, qeyd edib ki, artıq bütün hazırlıqlar yekunlaşıb və azarkeşlər böyük həyəcanla start fitinin səslənməsini gözləyirlər.

“Haber Global” televiziya kanalının idman direktoru “Qarabağ”ın təcrübəli yarımmüdafiəçisi Qara Qarayevdən oyunla bağlı fikirlərini də öyrənib.

Xatırladaq ki, “Qarabağ”la Türkiyənin “Qalatasaray” klubu arasında keçiriləcək xeyriyyə oyununu məhz “Haber Global” kanalı canlı yayımlayacaq.

Bakı Olimpiya Stadionunda təşkil olunacaq görüş sabah (26 mart) Bakı vaxtı ilə saat 20:00-da start götürəcək.