Gəncədə "ölüm-qalım" mübarizəsi

Azərbaycan Premyer Liqasında 28-ci turun oyunları davam edir.

Publika.az xəbər verir ki, bu gün turun iki oyunu keçiriləcək. Əvvəlcə “Kəpəz” Gəncədə “Səbail”lə üz-üzə gələcək. Çempionatda qalmaq uğrunda mübarizə aparan komandalar üçün bu oyun böyük əhəmiyyət kəsb edir. Qərb komandası qalib gəlməklə təhlükəli zonadan uzaqlaşmaq istəyirsə, paytaxt təmsilçisi isə 3 xal qazanmaqla sonuncu sıranı tərk etməyi hədəfləyir.

Günün ikinci matçında “Neftçi” səfərdə “Zirə”nin qonağı olacaq.

Turun açılış oyununda “Turan Tovuz” doğma meydanda “Sumqayıt”a uduzub – 2:3. “Şamaxı” – “Qarabağ” və “Sabah” – “Qəbələ” oyunları aprelin 2-də keçiriləcək.

15.30 Kəpəz – Səbail

Gəncə şəhər stadionu.

Hakimlər: Tural Qurbanov, Vüsal Məmmədov, Şirmamed Mamedov, Kamal Umudlu
Hakim-inspektor: Munis Abdullayev
AFFA nümayəndəsi: Əsgər Əmirəliyev

19:30 Zirə – Neftçi

Zirə İdman Kompleksinin stadionu

Hakimlər: Nicat İsmayıllı, Kamran Bayramov, Cəmil Quliyev, Emin Əliyev
Hakim-inspektor: Barış Şimşek
AFFA nümayəndəsi: Ramiz Mustafayev

Heybət