İdman

Messini transfer etmək üçün 2 klub plan qurdu: Biri alacaq, o biri də...

31 May 2023 16:05

“Barselona” Lionel Messinin transferi ilə bağlı “İnter Mayami” ilə birgə fəaliyyət göstərir.

Publika.az xəbər verir ki, 35 yaşlı hücumçu Səudiyyə Ərəbistanından təklif alsa da, “Barsa” onu transfer etməkdən vaz keçməyib. Messi və ailə üzvləri Səudiyyə Ərəbistanına getməkdənsə, İspaniyada yaşamağa üstünlük verirlər. Amma Buskets və Albanın ayrılmasından sonra belə Kataloniya klubu maddi baxımdan Argentina millisinin kapitanının transferini reallaşdıra bilmir.

“L`Equipe” nəşrinin yazdığına görə, yayda “İnter Mayami” Messi ilə müqavilə bağlayıb, onu 6 və ya 18 aylıq “Barsa”ya icarəyə verə bilər. Bu da ulduz futbolçuya 2024-cü ildə keçiriləcək "Copa America"ya qədər yüksək səviyyədə oynamağa imkan verəcək. Çünki həmin yarışdan sonra Leonun milli komandayla vidalaşacağı gözlənilir.

Qeyd edək ki, Messinin PSJ ilə müqaviləsi iyunun 30-da başa çatır.

Heybət