İstanbul finalından öncə siyasi qalmaqal: UEFA-da ara qarışdı
Bizi izləyin

İdman

İstanbul finalından öncə siyasi qalmaqal: UEFA-da ara qarışdı

UEFA Çempionlar Liqasının final oyununun baş hakimi dəyişdirilə bilər.

Publika.az xəbər verir ki, "Mançester Siti" və "İnter" komandaları arasında keçiriləcək görüşə təyinat alan polşalı referi Şimon Marçinyak bu hüquqdan məhrum edilməyə yaxındır. Buna səbəb onun ölkəsində ultrasağçı siyasətçi Slavomir Mentsenin təşkil etdiyi aksiyaya qatılmasıdır. “Yeni Ümid” partiyasının rəhbəri homofob və antisemit ifadələri ilə tanınır.

UEFA məsələ ilə bağlı açıqlama yayıb. Qurum, araşdırma aparıldığını qeyd edib. Eyni zamanda polşalı referidən açıqlama tələb edilib:

"UEFA Şimon Marçinyaka qarşı ittihamlardan xəbərdardır və təcili açıqlama tələb edir. Təşkilatımız və bütün futbol ictimaiyyəti sözügedən qrupun təbliğ etdiyi “dəyərlərdən” iyrənir və bu ittihamları çox ciddi qəbul edir. Sabah detallar araşdırıldıqdan sonra yeni açıqlama veriləcək.

Qeyd edək ki, final qarşılaşma iyunun 10-da Türkiyənin İstanbul şəhərindəki Atatürk Olimpiya Stadionunda keçiriləcək.

Heybət

Oxumağa davam et
Reklam
Reklam

Gündəm