İdman

"Rakuv"la qarşılaşmada Şahruddinə şans veriləcək? - Qurbanov AÇIQLADI

1 Avqust 2023 18:24

“Yaxşı nəticə üçün çox əziyyət çəkməli olacağıq. Bu komandaya qarşı bir an belə oyundan qopmaq olmaz”.

Publika.az xəbər verir ki, bu sözləri UEFA Çempionlar Liqasının II təsnifat mərhələsində Polşanın “Rakuv” klubuna qarşı keçirəcəkləri cavab oyunu öncəsi mətbuat konfransında “Qarabağ”ın baş məşqçisi Qurban Qurbanov deyib.

Baş məşqçi jurnalisitin "Şahruddin Məhəmmədəliyev buraxdığı səhvlərə görə azarkeşlər tərəfindən ciddi tənqid edilir. Sabah yenə ona güvənəcəksiz, yoxsa hansısa alternativ gözlənilir?" sualına belə cavab verib:

"Bəli, yazılanlardan məlumatım var. Amma bu, kollektiv oyunudur. Start heyəti sabah bilinəcək. Oynamaq şansı da çoxdur. Bu gün tam vaxtımız var. Bizim fikrimiz, diqqətimiz oyunda, rəqibdə olmalıdır. Oyundan kənara çıxmamalıyıq. Başımızı aşağı salıb, işimizi görməliyik. Hər bir futbolçu çalışmalıdır ki, bu oyunda səhvlərdən uzaq olsun. Eləcə də, qapıçılarımız".