İdman

"İnter Mayami" rəsmisi sirləri açdı: Messini "Barselona"dan ayrılanda...

31 Avqust 2023 11:01

“İnter Mayami”nin direktoru Xavyer Asensi sözügedən komandanın üzvü Lionel Messi barədə maraqlı açıqlama verib.

Publika.az xəbər verir ki, “Marca”ya danışan klub funksioneri argentinalı forvard ilə hələ "Barselona"dan ayrılanda maraqlandıqlarını, hətta heyətə cəlb etmək barədə düşündüklərini deyib.

“Leo “Barselona”dan qovulanda bizim şansımız var idi. Ona qarşı bunu etməsəydilər, bəlkə hələ də orada oynayırdı. Fürsət yarandı və biz də danışıqlara başladıq. Ancaq sonra Leo PSJ-yə getdi.

Belədə yenə şansımızı gözlədik və bu, 2023-cü ilin yayında baş tutdu. Onun PSJ-dən ayrılmaq istədiyini biləndə bu istiqamətdə çalışmalarımızı bərpa etdik və onun keçidini rəsmiləşdirdik”.

Qeyd edək ki, Messinin “İnter Mayami”ylə 2025-ci ilin sonuna qədər müqavilə imzalayıb.

Heybət