İdman

Daha bir əfsanə karyerasını bitirir

16 Aprel 2024 01:30

“Atletik Bilbao”nun və İspaniya millisinin yarımmüdafiəçisi Raul Qarsiya mövsümün sonunda peşəkar karyerasını başa vuracaq.

Publika.az xəbər verir ki, bu barədə klubun saytı məlumat yayıb.

“Əsl əfsanə olan Raul Qarsiya, klubdakı ən böyük nailiyyəti olan Kral Kubokunu qazandıqdan bir həftə sonra, 37 yaşında futboldan getməyə qərar verdi.

Bu səviyyəli futbolçunun on ilə yaxın bizim bayraq altında keçirməsi “Atletik” üçün əsl şərəfdir”, – deyə məlumatda bildirilir.

“Atletiko Madrid”in üzvü kimi Qarsiya İspaniya çempionu və Avropa Liqasının qalibi olub, İspaniya Kubokunu və Superkubokunu, həmçinin iki UEFA Super Kubokunu qazanıb. O, La Liqada keçirilən oyunların sayına görə 3-cü yerdədir (602 matç). Bu göstəricidə o, Andoni Subisarreta və Xoakindən (622) geri qalır. Ümumilikdə, Qarsiya klub səviyyəsində 811 oyun keçirərək 148 qol vurub.