İdman

Çempionlar Liqası: “Bavariya” və “Real Madrid” yarımfinalda - YENİLƏNDİ

18 Aprel 2024 02:05

UEFA Çempionlar Liqasında 1/4 final mərhələsinin cavab oyunlarına yekun vurulub.

Publika.az xəbər verir ki, İngiltərədə “Etihad” stadionunda “Mançetser Siti” İspaniya nəhəngi “Real Madrid”lə üz-üzə gəlib.

Xatırladaq ki, bu komandalar arasında ilk oyun 3:3 hesabı ilə yekunlaşıb. Cavab matçında da tərəflər hərəyə bir qol vurduğundan (1:1, ümumi hesab 4:4) əlavə vaxta ehtiyac yaranıb. Lakin bu da nəticə vermədikdə, qalibi “lotereya” müəyyən edib. Penaltilərdə daha dəqiq olan kral klubu (3:4) yarımfinala vəsiqə qazanıb.

***

Almaniyanın “Bavariya”sı Çempionlar Liqasının yarımfinalına çıxıb.

Publika.az xəbər verir ki, münxenlilər turnirin 1/4 finalının cavab qarşılaşmasında İngiltərənin “Arsenal”ını 1:0 hesabı ilə yenərək növbəti mərhələyə adlayıblar.

Münxendə baş tutmuş qarşılaşmada yeganə qolu 63-cü dəqiqədə Yozua Kimmix vurub.

İlk oyun aprelin 9-da Londonda keçirilib və 2:2 hesabı ilə başa çatıb.