UEFA rəhbəri "Real"ın prezidentini axmaq və irqçi adlandırıb? - ŞOK İDDİA

UEFA prezidenti Aleksander Çeferin İspaniya Kral Futbol Federasiyasının (RFEF) keçmiş rəhbəri Luis Rubiales ilə şəxsi yazışmalarında "Real"ın rəhbəri Florentino Peresi təhqir edib.

Publika.az xəbər verir ki, bu iddia ilə "The Objective" çıxış edib.

Mənbənin sözlərinə görə, bu yazışmalar 2019-cu ildə Çeferin Peresi Avropa Super Liqası yaratmaq cəhdinə görə açıq şəkildə tənqid etdikdən sonra baş verib.

Nəşr Rubialeslə Çeferin arasında söhbətdən fraqment dərc edib. RFEF-in keçmiş rəhbəri Superliqa ilə qarşıdurmada UEFA-ya dəstəyini ifadə edib, lakin Peresə qarşı açıq gedə bilməyəcəyini vurğulayıb.

“La Liqanın rəhbəri Xavyer Tebas və Peres mənə qarşı çıxsalar, vəziyyətim dözülməz olacaq. Gəlin hər kəs üçün nəyin yaxşı olacağını düşünək. O, çox qürurlu insandır. Düşünürəm ki, biz danışıb hər şeyi həll etməyə çalışa bilərik, amma mən sizi yüz faiz dəstəkləyəcəm. Narahat olmayın”, - deyə Rubiales yazıb.

Çeferinin cavabı isə belə olub: “Mən də fəxr edirəm, bunu unutma. Mən onunla danışmaq istəmirəm. Bunu yalnız sizin üçün edəcəyəm. O, axmaq və irqçidir! Vəziyyəti mənim üçün yumşaltmağa ehtiyac yoxdur, buna ehtiyacım yoxdur. Mən sadəcə səndən güclü qalmağını istəyirəm”.

Heybət