İdman

Məhkəmə təcavüzkar futbolçu barədə qərar verdi

18 Sentyabr 2024 17:33

Eks-an-Provens Apellyasiya Məhkəməsinin istintaq kollegiyası prokurorluğun tələbi ilə futbolçu Vissam Ben Yedderə həbs qətimkan tədbirinin təyin edilməməsinə qərar verib.

Publika.az "L'Equipe" nəşrinə istinadən xəbər verir ki, o, oktyabrın 15-dək, Nitsa məhkəməsində zorlama işi üzrə proses başlayana qədər azadlıqda olacaq.

Ben Yedder ciddi nəzarət altında qalacaq. Həftədə iki dəfə xüsusi obyektə hesabat verməli olacaq. Bundan başqa, ona barlara və gecə klublarına baş çəkmək, axşam saat 8-dən səhər saat 6-ya kimi evdən çıxmaq qadağan edilir.

Ben-Yedder məhkəməyə qədər həbs olunmamaq üçün alkoqol asılılığına görə reabilitasiyadan keçməyə razılıq da verib.

Bu yay Monakodan ayrıldıqdan sonra klub tapmayan 34 yaşlı futbolçu 2024-cü ilin sentyabrın 6-da polis tərəfindən saxlanılıb. O, sərxoş halda avtomobildə cinsi təcavüzdə ittiham olunub. Ben Yedder yol hərəkəti qaydalarını pozduğunu etiraf edib, lakin zorakılıq ittihamlarını rədd edib.

Heybət