İdman

Rafael Varan: 11 il bir dizimlə oynamışam

17 Oktyabr 2024 12:08

Keçmiş futbolçu Rafael Varan maraqlı açıqlama verib.

Publika.az xəbər verir ki, fransalı dünya çempionu son 11 ildə dizindəki zədə ilə oynadığını deyib:

“Dizim mənə “bəsdir” dedi və mən ona qulaq asmalı oldum. 20 il sağ dizimdən asılı qalan "damokl qılıncı" ilə oynadım. Necə oynadım? Böyük zəhmət, fədakarlıq və qayğı ilə.

Psixoloji olaraq meydana çıxdım və heç kimə deyə bilmədim ki, yalnız bir dizim işləyir. Bilirdim ki, daha çox xəsarət ala bilərəm, amma biz daim nəyisə riskə atırıq. Biz ömrümüz boyu ağrı ilə oynamağa öyrəşmişik”.

Qeyd edək ki, Rafael Varan daimi zədələr səbəbindən 31 yaşında karyerasını başa vurub. O, "Lans", "Real" və "Mançester Yunayted"də çıxış edib. 2024-cü ilin yayında İtaliyanın "Komo" klubuna keçsə də, yeni komandasında cəmi 23 dəqiqə meydanda olub.

Fransa millisinin sabiq üzvü 2018-ci ildə "xoruzlar"la dünya çempionu olub.

Heybət