O, xalq çempionudur – Həyat yoldaşı əfsanə haqda

Böyük Dəbilqə yarışlarının 24 qat qalibi, serb tennisçi Novak Cokoviçin həyat yoldaşı Yelena Cokoviç ərinin tennis dünyasında qoyduğu miras haqda danışıb.

Publika.az xəbər verir ki, bu barədə “La Nacion” Yelenanın sözlərindən sitat gətirib:

“Dünyada baş verənləri görəndə, tennis həyatın kiçik prizması olsa da, insanlara xoşbəxtlik, sevinc, ümid gətirir. Onu zənginlərin yox, sadə insanların müdafiəçisi kimi görmək xoşuma gəlir. Çünki o, adi insandır, çox sadə bir ailədən – işçilər və xəyalpərəstlər ailəsindəndir. Və dünyanı gəzəndə onun hekayəsindən ilham alan çoxlu insan görürsən, çünki onlar da onun kimidirlər.

Tennis çox dəbdəbəli idman növüdür, ağ idman növüdür, varlı insanların idmanıdır… Amma Novakın pərəstişkarları adi insanlardır, sadə işi olan insanlardır və onun matçlarına həmişə bilet ala bilmirlər. Amma küçədə gedərkən iş başına olan fəhlələr onu görəndə qışqırırlar: “Hey, Novak!” Hamı onu dayandırır. Düşünürəm ki, irəliləməyə davam etmək üçün güc və enerji verən budur. O, artıq hər şeyə nail olsa da, inanıram ki, onun ən yaxşı qələbəsi xalqın müdafiəçisi olmasıdır, bəli, o, xalq çempionudur”.