Rodri ilklərə imza atdı: "Siti"nin tarixinə düşdü, 64 illik həsrətə son qoydu
Bizi izləyin
Aptekonline

İdman

Rodri ilklərə imza atdı: "Siti"nin tarixinə düşdü, 64 illik həsrətə son qoydu

Parisdə “Qızıl top”un təqdimetmə mərasimi keçirilib. Mükafatı "Mançester Siti"nin və İspaniya millisinin yarımmüdafiəçisi Rodri qazanıb.

Publika.az xəbər verir ki, o, Kriştiano Ronaldodan sonra Premyer Liqadan "Qızıl top"u qazanan ilk futbolçu olub. Həmin vaxt “Mançester Yunayted”də çıxış edən portuqaliyalı ulduz 2008-ci ildə bu mükafata layiq görülüb.

Rodri "Qızıl top"u qazanan üçüncü ispan futbolçudur. 1957 və 1959-cu illərdə Alfredo Di Stefano, 1960-cı ildə isə Luis Suares bu mükafata layiq görülüb. O, ispanların 64 illik həsrətinə son qoyub.

İspaniyalı yarımmüdafiəçi eyni zamanda mükafatı qazanan ilk “Siti” oyunçusu kimi də tarixə düşüb.

Qeyd edək ki, Rodri "Mançester Siti" ilə Premyer Liqanın çempionu və İspaniya millisinin heyətində Avro 2024-ün qalibi olub.

Heybət

Oxumağa davam et
Reklam
Reklam

Gündəm

Aptekonline