İdman

“Liverpul”un zədəli ulduzlarının durumu açıqlandı

1 Noyabr 2024 20:20

“Liverpul”un baş məşqçisi Arne Slot komandanın zədəli futbolçuları – qapıçı Alisson Bekker, eləcə də hücumçular Dioqo Jota və Federiko Kyezanın sağalma müddətindən danışıb.

Publika.az xəbər verir ki, o, bu barədə klubun mətbuat xidmətinə açıqlama verrib.

“Bərpa üçün dəqiq vaxt vermək həmişə çətindir. Çünki son mərhələ bir neçə gün uzun və ya daha qısa ola bilər. Alisson və Jota beynəlxalq fasiləyə qədər qayıtmayacaq. Baxaq, sonra bizə qoşula biləcəklərmi?

Kyeza beynəlxalq fasiləyə qədər də geri dönməyəcək, ancaq cəmi bir həftə qalıb. Ümid edirik ki, o, fasilə zamanı məşqlərə başlaya biləcək və sonra bizə qoşula biləcək”, – deyə Slot bildirib.

Qeyd edək ki, “Liverpul” növbəti beynəlxalq fasiləyə qədər üç oyun keçirəcək. Komanda müvafiq olaraq “Brayton”, “Bayer Leverkuszen” və “Aston Villa” ilə qarşılaşacaq.