İdman

“Qızıl top” kimin olacaq? - Bu gün bilinəcək

12 Yanvar 2015 13:44

Bu gün FİFA 2014-cü il üçün dünyanın ən yaxşı futbolçusunun adını açıqlayacaq.

Publika.az xəbər verir ki, İsveçrənin Sürix şəhərində Bakı vaxtı ilə saat 20:00-da başlayacaq tədbirdə üç namizəddən biri “Qızıl top”a sahib olacaq.

Namizədlər Portuqaliya millisinin və "Real"ın hücumçusu Kriştiano Ronaldo, Argentina milisinin və “Barselona”ın hücumçusu Lionel Messi, Almaniya millisinin heyətində son dünya çempionu olan “Bavariya”nın qapıçısı Manuel Noyerdir.

Messi artıq sözügedən mükafatı 4 dəfə (2009, 2010, 2011, 2012) qazanıb. Ronaldo isə 2 dəfə (2008, 2013) dünyanın ən yaxşı futbolçusu seçilib. Noyer isə ilk dəfə bu mükafa sahib ola bilər.

Publika.az oxucalara hər üç namizədin 2014-cü ildə nə ilə yadda qalmasına aid xüsusi yazılar təqdim etmişdi.

Xatırladaq ki, bu mükafatı sonuncu dəfə Ronaldo qazanıb.

Bundan əlavə tədbirdə ilin rəmzi komandası, ilin ən yaxşı qolu, qadınlar arasında ilin ən yaxşı futbolçusu və ilin ən yaxşı baş məşqçisinin də adı elan ediləcək.