Əfsanəvi boksçu xəstəxanadan çıxdı - Bu gün onun doğum günüdür – VİDEO
Bizi izləyin

İdman

Əfsanəvi boksçu xəstəxanadan çıxdı - Bu gün onun doğum günüdür – VİDEO

Əfsanəvi boksçu Məhəmməd Əlinin səhhətində yaranan problemə görə klinikaya yerləşdirildiyini xəbər vermişdik.

Publika.az xəbər verir ki, idrar yolundakı infeksiyadan müalicə alan Məhəmməd Əli artıq evə buraxılıb. (http://publika.az/site/p/60957)

O, 1981-ci ildə karyerasını bitirdikdən üç il sonra tutulduğu Parkinson xəstəliyindən əziyyət çəkir.

Xatırlatma:

Məhəmməd Əli 1960-cı ildə Romada keçirilən XVII Yay Olimpiya Oyunlarında orta ağır çəkidə (-81 kq) boks yarışlarında qalib gəlib. 1964-1966, 1974-1978-ci illərdə ağır çəkidə mütləq dünya çempionu, 1974-1978-ci illərdə WBC, 1967, 1974-1978-ci illərdə WBA versiyası üzrə dünya çempionu olub.

İlk məğlubiyyəti

Əsl adı Kassius Marsellus Kleydir.

Məhəmməd Əli peşəkar rinqdə ilk 31 görüşünü qələbə ilə başa vurub ki, bu da 10 illik dövrü əhatə edib. Ümumilikdə isə, keçirdiyi 61 görüşün 56-da qalib gəlib.

1971-ci il martın 8-də Əli və Co Freyzer arasında "Əsrin döyüşü" adlandırılan döyüş baş tutub. Döyüş Freyzerin qələbəsi ilə başa çatıb. Hər iki təcrübəli və məğlubedilməz döyüşçü ağır çəkili boksçuların çempion kəmərinin müdafiəsi uğrunda üz-üzə gəliblər. Bu, Əlinin ilk məğlubiyyəti olub.

Əfsanəvi boksçu müxtəlif media orqanları tərəfindən XX əsrin ən yaxşı idmançısı seçilib. Onun bu gün 73 yaşı tamam olur. (http://publika.az/p/9914)

Aygün İlqarqızı

Oxumağa davam et
Reklam
Reklam

Gündəm