Ruslarla oynamaqdan imtina ayrı-seçkilikdir? - BMT-dən açıqlama gəldi

Birləşmiş Millətlər Təşkilatının (BMT) İnsan Hüquqları üzrə Ali Komissarlığının (OHCHR) Ofisi bildirib ki, Avropa xokkey federasiyalarının 2027-ci il Dünya Çempionatında Rusiya yığması ilə oynamaqdan imtina etməsi ayrı-seçkilik təşkil etmir.

Publika.az xəbər verir ki, agentlik TASS-ın rəsmi sorğusuna cavab olaraq bu haqda bildirib.

BMT-nin İnsan Hüquqları üzrə Ali Komissarlığı izah edib ki, əgər belə bir boykot siyasi və ya sosial xarakter daşıyırsa və idmançıların özlərinin milliyyətindən asılı deyilsə, bu, ifadə azadlığı hüququnun qanuni şəkildə həyata keçirilməsi hesab olunur.

İdman Arbitraj Məhkəməsi (CAS) əvvəllər Rusiya idmançılarının turnirə buraxılmasını təsdiqləmişdi.

Daha əvvəl bildirilmişdi ki, altı Avropa ölkəsi – Danimarka, Latviya, Norveç, Finlandiya, İsveç və Çexiya milli komandalarının Almaniyada keçiriləcək 2027-ci il Dünya Çempionatında Rusiyaya qarşı potensial oyunu boykot edəcəklərini açıqlayıblar.

Bundan əlavə, Finlandiyanın Tampere və Turku şəhərləri, Rusiyanın qəbul ediləcəyi təqdirdə, 2028-ci il-də gənclər arasında Dünya Çempionatına ev sahibliyi etməkdən imtina edəcəkləri ilə hədələyiblər. Oxşar şəraitdə Almaniya 2027-ci il Dünya Çempionatına ev sahibliyi etməkdən imtina etməyə hazırdır. Daha sonra Avstriya boykota qoşulub.

Publika.az