Tayson Usiklə döyüşəcək? - Danışıblar, ukraynalı deyib ki…

Keçmiş dünya çempionu Tayson Fyuri (36-2-1, 25 nokaut) ağır çəkidə keçmiş şəksiz dünya çempionu Aleksandr Usikin (25-0, 16 nokaut) birinci dərəcəli çəkiyə qayıtmaq istəyi ilə bağlı fikirlərini bölüşüb.

Publika.az xəbər verir ki, Usik bu barədə İngiltərə mətbuatına verdiyi müsahibədə danışıb.

-Benavidezlə döyüşə gəlincə, Aleksandr Usikin ağır çəki dərəcəsində onunla qarşılaşmaq istədiyi barədə şayiələr var.

-Düşünmürəm ki, bu baş versin. Düşünmürəm ki, Aleksandr Usik mən olmasam, rinqə çıxacaq. Qətiyyən yox. Onun böyük pul alması lazımdır və bunu təmin edə biləcək mənəm. Bunun baş verib-verməyəcəyini bilmirəm, amma inanmaqda çətinlik çəkirəm. Onun Benavidezlə döyüş üçün arıqlamasını və qəpik-quruş müqabilində təsadüfi döyüşçülərlə döyüşməsini təsəvvür edə bilmirəm.

– Sizcə, o, bunu şöhrət, titul üçün edir?

– Xeyr, 40 yaşında yox. Bu yaşda insanlar bunu böyük pul müqabilində edirlər.

– Başa düşdüm. Yeri gəlmişkən, əgər Coşua ilə döyüş baş tutmasaydı, sizin də adınız bu kontekstdə çəkilmişdi…

-Mən Aleksandrla danışdım. Soruşdum ki, əgər məşğul deyilsə, mənimlə döyüşməkdə maraqlı olacaqmı? O dedi ki, məşğuldur, ailəsi ilə tətilə gedir, amma mart ayında döyüşə bilər. Ona görə də, bəlkə də bunu mart ayında edəcəyik. Hələ bilmirəm. Hər şeyi bir-bir həll edəcəyik.

Usik Taysonu iki dəfə – 2024-cü ildə hakim qərarı ilə məğlub edib.

Publika.az