2016-cı ildə neftin bir bareli 60-70 dollara qədər qalxa bilər. Publika.az BBC-yə istinadən xəbər verir ki, bu barədə Rusiyanın energetika naziri Aleksandr Novak bildirib.
“Neftin qiymətində yüksək dəyişkənlik var. Gələn ilə qiymətlərin 60-70 dollara qədər qalxacağı gözlənilir. Mənə elə gəlir ki, perspektivdə orta qiymət 50 dollardan aşağı olmayacaq”, - deyə A. Novak “Soçi – 2015” Beynəlxalq İnvestisiya Forumunda bildirib.
“Lukoil” şirkətinin vitse-perezidenti Leonid Fedun isə daha optimist məbləğ səsləndirib. Şirkətin təxminlərinə görə, neftin bir barelinin qiyməti 80-100 dollara qədər qalxa bilər.
“İnterfax”ın məlumatına görə, Rusiya maliyyə naziri Maksim Oreşkinin proqnozu energetika nazirindən daha pessimistdir. Onun sözlərinə görə, neftin barelinə görə qiymət diapazonu 40-60 dollar arasında olacaq. Maliyyə naziri hesab edir ki, neftin qiyməti uzun zaman, yəni 5-7 il belə qalacaq.
Qeyd edək ki, cümə günü London birjasında “Brent” markalı neftin bir barelinin qiyməti 48,13 dollar olub.
Gülnar Əliyeva
.png)
.jpg)
.jpg)
.jpg)
.jpg)
