Ekopublika.az

İçki ərzağı üstələdi

12 Avqust 2016 15:15

Bu ilin yanvar-iyul aylarında istehlakçılara 16169,5 milyon manatlıq və ya 2015-ci ilin eyni dövrü ilə müqayisədə 2,0 faiz çox məhsul satılıb. Ərzaq məhsulları, içkilər və tütün məmulatları üzrə satışın dəyəri real ifadədə 2,8 faiz, qeyri-ərzaq məhsulları üzrə isə 0,6 faiz artıb.

Publika.az Statistika Komitəsinə istinadən xəbər verir ki, hesabat dövründə istehlakçıların pərakəndə ticarət şəbəkələrində xərclədiyi vəsaitin 49,5 faizi ərzaq məhsullarının alınmasına sərf edilib. Xərclənən vəsaitin 17,4 faizi toxuculuq məhsullarının, geyim və ayaqqabıların, 6,4 faizi elektrik malları və mebelin, 5,7 faizi avtomobil yanacağının, 1,4 faizi əczaçılıq və tibbi malların, 0,8 faizi kompüterlər, telekommunikasiya avadanlıqları və çap məhsullarının, 18,8 faizi isə digər qeyri-ərzaq məhsullarının payına düşüb.

İqtisadiyyat şöbəsi