Ekopublika.az

Trampın Mask haqqında dediyi sözlərdən sonra "Tesla" səhmləri bahalaşdı

7 Noyabr 2024 07:15

"Tesla" şirkətinin səhmləri Donald Trampın İlon Mask haqqında söylədiyi sözlərdən sonra 15% bahalaşıb.

Publika.az xəbər verir ki, İlon Maskın şirkətinin səhmləri NASDAQ birjasında premarket ticarətində (bazar öncəsi birja ticarəti) 15,32% bahalaşaraq, hər səhm üçün 289,98 dollara satılıb. Sonra kotirovkalar bir qədər düşüb.

Nəticələr hesablandıqdan sonra ilk çıxışında Donald Tramp İlon Maskı "heyrətamiz oğlan", "super dahi" və "ABŞ-ın ən vacib adamlarından biri" adlandırıb. "Bizim yeni ulduzumuz var, bir ulduz doğuldu: İlon", - Tramp deyib.

Seçki yarışı zamanı Tramp dünyanın ən varlı adamının gələcək administrasiyada mühüm rol oynayacağını açıq şəkildə bildirmişdi.

Qeyd edək ki, İlon Mask seçki kampaniyası boyunca keçmiş prezidenti dəstəkləyərək Trampın qızğın tərəfdarı olub. Mask Respublikaçılara 130 milyon dollardan çox xərcləyib və həmçinin sosial media platforması X-də Donald Trampı təqbliğ edib.