Magazin1

Yazıçıdan KÖVRƏK SÖZLƏR: “Yoldaşım rəhmətə gedəndən…”

6 Avqust 2016 14:55

Tanınmış yazıçı Vidadi Babanlı xəstəliyi üzündən yayı elə Bakıda öz evində keçirmək məcburiyyətində qalıb.

Publika.az-a danışan yazıçı keçmiş günlərin xiffətini çəkdiyini deyib: “Evdən bayıra çıxa bilmirəm, nə qədər dava-dərman olunsa da, hələ ki, sərbəst yeriyə bilmirəm. Hər il gedib rayonda, təbiət qoynunda dincəlirdim. İndi daha o günlər geridə qaldı. Çətin indən belə harasa gedim, haradasa dincəlim. Həyat yoldaşımla birgə gedib yay fəslini mənzərəli bölgələrdə keçirirdik. Yoldaşım rəhmətə gedəndən sonra mənim üçün də ağır oldu. İndi o günlərin xiffətini çəkirəm”.

Yazıçı buna görə də yayın tez keçib getməsini arzulayır: “Günləri sayıram, yay elə tez keçib getsə, yaxşıdır. Məndə kədərli xatirələr oyadır. Tək-tənha, xəstə qoca yazıçıyam. Gözüm də görmür ki, yarımçıq qalmış əsərimi tamamlayım”.

Cəvahir