Magazin1

Əli Mirəliyev: “Flora morqa gəlməyib”

9 Avqust 2016 17:45

Xalq artisti İlhamə Quliyevanın ölümü ilə bağlı müzakirələr gündəmi tərk etmək bilmir. Belə ki, bu dəfə Flora Kərimova İlhamə Quliyevanı yarılanda gördüyünü deməsi qamaqal yaradıb.

Publika.az xəbər verir ki, xalq artistinin qohumu Əli Mirəliyev İlhamə Quliyevanın yarılma prosesində xəstəxanada tək olduğunu deyib: “Bu, mümkün deyil. Flora Kərimova İlhamə Quliyevanın yarılmasını görə bilməz. O, heç vida mərasiminə və yasına gəlməmişdi, morqa gələcək? Xəstəxanada ancaq mən olmuşam, heç oğlu Orxan da orada olmayıb. Həkimlər isə məni də otağa buraxmadılar. Onda belə çıxır ki, kosmosdan görüb?”

Müğənni İlhamə Quliyevanın yarılma prosesinin videoya çəkilməsini də inkar edib: O, “Gülməlidir, vallah! Həkimlər yarılmış meyiti videoya çəkəcək?” - deyə bildirib.

Ə.Mirəliyev Flora xanımın hər zaman düz danışdığını, lakin onun belə bir açıqlama verməsinin səbəbini bilmədiyini deyib.

Aytən